పోలవరం సంక్షోభం – టీ ఆర్ ఎస్ నీళ్ళు నిజాలు బుధవారం, అక్టో 26 2011 

పోలవరం సంక్షోభం ఎస్ ఈ డబ్ల్యూ కి పరిమతమైతే బానే ఉండేది. ఇది మరో గోదారి స్పెక్ట్రం కుంభకోణం లెక్క అవినీతి, ఆరోపణలు, విచారణలు. వాస్తవాలు తేలినతర్వాత దొరలెవరో దొంగలెవరో నల్గురు వార్తలు చదివి పుర్సత్తుగా మాట్లాడుకొంటరు.

కథ అక్కడ ఆగలేదు. కనుకనే చర్చ. విమర్శ. ఖండనలు. పోలవరం వివాదంలో ఎన్నెన్ని రాజకీయాలో. ప్రస్థుతానికి కొన్నింటిని తప్పనిసరిగా ఆలోచించాలి.

ప్రశ్న ఏంది? జలయగ్నం పేరుతో సాగిన బలియగ్నంలో వాటదారులైన కాంట్రాక్టరు (ఎస్ ఈ డబ్ల్యు) టీ ఆర్ ఎస్ కు బంధువెట్లాయె? నాలుగు పైసలకోసం ఓ క్రిమినల్ ప్రాజెక్టును కట్టి తూర్పు కనుమలను, కోయ జాతిని ఖూని చేసేందుకు ఉవ్వీల్లూరే కాంట్రక్టర్లు పోలవరం మీద యుద్దమే చేసే వాళ్ళకు మిత్రులెట్లాయె. నమస్కారం చేయడానికి ముఖ్యుడెట్లాయే (మరింత…)

ప్రకటనలు

బతికుండి మేం సత్తున్నం! Agrarian crisis in Telangana బుధవారం, ఏప్రి 28 2010 

బతికుండి మేం సత్తున్నం!

అన్నదాత అడుగడుగునా దగా పడుతున్నాడు. అప్పుల పాలవుతున్నాడు. ఆ విషవలయంలో చిక్కి శల్యమై చివరకు చావును ఆశ్రయిస్తున్న రైతులెందరో. బాధలను భరించలేక రైతు ప్రాణం తీసుకుంటే అతడిపైనే ఆధారపడిన ఆ కుటుంబం పరిస్థితి ఏమటి? అతని భార్య, బిడ్డల భవిష్యత్తు ఏమిటి? తలుచుకుంటేనే ఒళ్లు జలదరిస్తుంది. ఆరు నెలల క్రిత ం తన భర్త యెల్చెట్టి భోజన్న పంటను బతికించుకోవాలని కొనుక్కున్న పురుగుల మందు తనే తాగి ఆత్మహత్య చేసుకున్నాడు. ఆయన భార్య రాజమణి పుట్టెడు కష్టాల మధ్య ఒంటరిగా మిగిలింది. అన్నదాత ఆత్మహత్య చేసుకోవాల్సిన పరిస్థితి ఎందుకొచ్చిందనే వివరాలు రాజమణి మాటల్లో….
ఆనాడు రాత్తిరి ఎప్పటిమల్లెనే పనిజేసుకుని మా ఇంటి ముందోళ్లింట్ల అరుగు మీద ఆడోళ్లమంత బీడీలు చేసుకుంట కూసున్నాం. పదింపావు, పదిన్నర అయిందనుకుంటా….’ మీ ఆయన మందు తాగిండు..కిందపడి కొట్టుకుంటున్నడ’ని సుట్టు పక్కలోళ్లందరొచ్చి మొత్తుకోవట్టే (అరిచారు). ముందుగలయితే నాకేమీ అర్థంకాలే.

‘అయ్యో నీ మొగడు మందు తాగిండటనే’ అని నాతోటి బీడీలు జేసేటోళ్లు నా సుట్టూ సేరి మొత్తుకుంటుంటే గప్పుడు తెలిసింది. సుట్టుపక్కల మొగోళ్లే ముందుకొచ్చి 108 అంబులెన్స్‌కి ఫోన్ చేసిండ్రు. అంబులెన్స్ వొచ్చెటాలకే పానం (ప్రాణం)బోయింది. మా ఇంటి పెద్ద చనిపోయి ఇప్పటికి ఐదునెల్లు అయితుంది.

రైతు రుణవిమోసన సట్టం కింద సర్కారు పైసలిస్తరంటే దరఖాస్తు పెట్టిన. ఆయన పేరు మీద పొలం లేదు కాబట్టి ఆయన రైతే కాదని రిపోర్ట్ రాసిండ్రు. గింత అన్యాయం యేడన్నా ఉంటదా? నడుమ నాలుగు సంవత్సరాలు తప్ప బుద్ధి తెలిసిన నాటి నుంచీ యెవసాయాన్నే నమ్ముకున్నోడిని రైతే కాదంటే మా కట్టం ఓల్లకు జెప్పుకోవాల?

కలిసిరాలేదు
మాది ఆదిలాబాద్ జిల్లా లోకేశ్వరం. మేము ముగ్గురం అక్కచెల్లెళ్లం. ఒక అన్న ఉన్నడు. మా అందరి పొత్తుల (ఉమ్మడి) నాలుగు బిగాల (ఎకరాల) పొలముంది. మా చెల్లెలు పెళ్లయినంక పొలం పంచుదమని అట్లనే అందరి పొత్తుల ఉంచిండు మా అయ్య. నా లగ్గమై19 ఏండ్లయితుంది. లగ్గమైనప్పటి నుంచీ అట్ల పొత్తుల పొలం చేసుకుంటనే ఉన్నం.

యెవసాయం మాకేనాడు కలిసిరాలేదు. మొదటిసందీ పత్తి పంటనే ఏసినం. పంటేసినాంక కొంచెం పెరిగేటాలకే పురుగు తగిలేది. యేముంది? పంటంతా లాస్. సేసిన కట్టం ఎన్నడూ మిగలలేదు. సొంత పొలంల ఇట్లయితుందని నడమల వేరోల్ల పొలం కూడా కౌలుకి దీసుకుని చేసినం. అండ్లసుక (అందులో కూడా) పత్తే ఏసినం. అప్పుడూ పురుగే. అప్పులు చేసి పంటలేసుకుంటుంటిమి పంటపండితే అప్పులు దీరుస్తమనే ధైర్యంతో. పంటేడిది? మన్నేడిది? (పంటా?మన్నా?) పురుగు తగులుడు..పంట గంగల కలుసుడు. ఏండ్ల సందీ గింతే మా బతుకులు. అప్పులు మాత్రం మస్తుగ పెరుగవట్టే. (మరింత…)

అవును ఓడిపోయిన… బుధవారం, ఫిబ్ర 18 2009 

 

అవును ఓడిపోయిన
ఆడీ ఆడీ ఓడిపోయిన…
జనం ‘ప్రభంజన’మౌతారనే
ఆశ అడుగంటి ‘అలిసిపోయిన’…
తోటిమనిషి బాగుకోరే మనసు
మాయమైన జాడలు తెలుసుకొని
‘లొంగిపోయిన’…
ఎవని కొరకు ఎవడూ
బతుకలేడని అర్థమైనంక
‘ఎవ్వనికి బుట్టిన బిడ్డంటే ఎక్కిపడి
ఏడ్సుడెందుక’ని ఎనకకు తగ్గిన…
పిట్టలకంటే అధ్వానంగా
మనుషులు సచ్చిపడుతుంటే
శవాల సంఖ్య తెలుసుకోవడానికి మాత్రమే
‘తపన’పడే మధ్య తరగతి
మందబుద్దికి మోకరిల్లిన..
కడుపుతీపి పంచలేక..
కడుపుకోత తుంచలేక..
అమ్మయ్యలాగమైతాంటే..
ఆగి..ఆగి..
ఆగ ‘మైదా(నా)ని’ కొచ్చిన..
జీవితమే ఆరాటమైనపుడు
బువ్వ దొరుకుడే పోరాటమైనపుడు
ప్రజాజీవనమే అరణ్యవాసమైనపుడు
సాటి మనిషే వర్గశత్రువై
సాయిధపోరాటం చేయవలిసినపుడు
పురుగుమందులు
నేతగుడ్డలే
ఎన్ కౌంటర్లు చేస్తున్నపుడు…
ఎలుగెత్తే గొంతులే పాలకుల
కౌలుగుల్లో జొరబడుతున్నపుడు
ఆపదకు అక్కరకు రావల్సిన
చేతులే ఔతలకెల్లగొడుతున్నపడు
‘ఊరికి చేసిన సేవ
శవానికి చేసిన సింగారమై’నపుడు
అడివెందుకు? నేల మాళిగలెందుకు?
ఏ.కే ఫార్టీ సెవెన్లెందుకు?
‘జీవం’ పోయిన శరీరంతో
పోరాడలేక ‘జనజీవనం’లో కొచ్చిన
అవును ఓడిపోయిన…
ఆడీ ఆడీ ఓడిపోయిన…

 
రమేశ్ హజారి
ప్రోగ్రెసివ్ మీడియా సెంటర్ ,హైదరాబాద్

ఆంధ్రజ్యోతి 18 ఫిబ్రవరి 2009

తాకట్టులో తెలంగాణ ఆదివారం, జన 18 2009 

ప్రళయ దినం ముందున్నది…
-అల్లం నారాయణ

ఊరూరికి పాటపాడి తెలంగాణన్నరు. నమ్మినోళ్లు చాలా మంది ఊరేగింపులన్నరు. వీధులన్ని మళ్లీ పెనుకేకలయినయి. తెలంగాణల మల్లా లడాయి జోరుగైనది. ఉద్యమాల మాల గుచ్చి అమర వీరుల కేస్తరు. ఆ త్యాగఫలం ఆశజూపి కొందరు నేతలయితరు. కలిసొచ్చి వారు తెలంగాణ దూతలవుతరు. సిద్ధాంతకర్తలు కొందరు తోడుగుంటరు. సై అంటే సై అని మోసాలకు మలాము పూస్తరు.

కొందరు తమ వాగ్దానాలను, దేవుని విషయంలో చేసిన ప్రమాణాలను అతి స్వల్ప మూల్యానికి అమ్ముకుంటారు. ప్రళయదినాన దేవుడు వారివైపు కన్నెత్తి కూడా చూడడు. -ఖురాన్‌

 బహుశా కొందరు చాలా విషయాలు మరచిపోతుంటారు. దేన్ని దేనికోసం ప్రారంభించారో? ఏది ఎందుకు తనకు గౌరవం సమకూర్చి పీఠాలెక్కించిం దో? ఏ కారణం చేత తామొక విభాత సంధ్యలో కాలం మీద వీరులమై కవాతు చేస్తున్నామో మరచిపోతారు. అల్ప విషయాల కోసం అనల్పాన్ని బలిపెడతారు. ఏ ఉద్యమాలు నిన్ను వీరున్ని చేశాయో ఆ ఉద్యమాలను తాకట్టుపెడితే జరిగేదేమిటి? పోనీ ఒరిగేదేమిటి. తెలంగాణ ఒక శతకోటి గాయాల వీణ. వేల మోసాల మాయల గాయాలపాలైన నేల. అసెంబ్లీలో బుద్ధిగా కూచొని ఉన్న గాంధీ విగ్రహం ఎదురుగా ఒక స్థూపం ఉన్నది. అధికారికంగా ఇప్పటికీ అది ఆవిష్క­ృతం కాకుండా అనధికార ధిక్కార స్వరంలా ఉన్నది.

ఆ స్థూపంలో ఎన్నం ఉపేందర్‌ మరి మున్నూటా డెబ్భై మందికి పైబడిన తెలంగాణ అమరవీరుల ‘యాది’ ఉన్నది. ‘మనాది’ ఉన్నది. త్యాగమున్నది. నిండైన తెలంగాణ కల ఒకటున్నది. అది కాలిపోయి కూలిపోయిన వాస్తవంగా మారి హృదయఘోష వినిపిస్తున్నది. నలభై ఏండ్ల క్రితం కొడుకులను పోగొట్టుకున్న తల్లుల దుఃఖపు వెక్కిళ్లు ఉన్నవి. అవి కాల చక్రంలో ప్రతి సందర్భంలోనూ వినిపిస్తున్నవి. గుండె గొంతుకలో కొట్లాడిన ఒక తెలంగాణ ఆత్మ ఉన్నది. గత మొక వారసత్వపు కవాతు కోసం ఎదురు చూస్తూనే ఉన్నది. త్యాగాల చాళ్లు చివరికి రాజకీయపు దుర్గంధంలో మసి బారుతున్నవి. కాంగ్రెస్‌ పార్టీ యాభై ఏళ్ల మోసంతో కలె బారుతున్నది. తెలంగాణ ఆత్మనది బేరసారాల, గెలుపు ఎత్తుగడల సారంగా మార్చి ఉన్నది. మొయిలీ చివరకు అబద్ధాల కోరు అయిండు. తెలంగాణకు ఇక తెడ్డేగతి అని తేల్చి చెప్పిండు. కీలెరిగి ఎవరో ఒక వాత పెట్టిం డు.

అట్లానేనన లేదని నోరెళ్లబెట్టిండు. మొత్తానికి తెలంగాణకు ప్రాణ సంకటం కాంగ్రెస్‌ కది చెలగా టం. తెలుసు తెలుసు ఈ నాటకం. కడప వాసి రాజశేఖర రెడ్డి మాట మొయిలీ నోట చిలక పలుకులయ్యిం ది. మరోసారి మరోసారి, మరోసారి తెలంగాణ అరిగోస పడింది. పీఠం ఎక్కేదాక తెలంగాణ ముద్దుగున్నది. దోచుకోను తెలంగాణ బొద్దుగున్నది. హైదరాబాద్‌ బిర్యానీ భలె రంజుగున్నది. రింగురోడ్డు పంట భూములన్ని కమ్ముకున్నవి. సగం హైదరాబాద్‌లో వై.ఎస్‌ బాటలున్నవి. హైదరాబాదోని బతుకుల బీటలున్నవి. మొదటి మోసం నాలుగున్నరేండ్లది. దాని వయస్సు అంతకంటే పెద్దగున్నది. విశాలాంధ్ర నుంచీ అది సాగుతున్నది. రెండో మోసానికిపుడు రెక్కలున్నవి. కూటములు కట్టినప్పుడే అవి తేటగున్నవి. తెలంగాణ ద్రోహుల పార్టీ ఇప్పుడు మిత్రుడైనది. తెలంగాణ వద్దన్న సమైక్య పార్టీ ముద్దైనది. నారాయణ, రాఘవులు నవ్వుతున్నరు. ఏడ్వలేక కేసీ ఆరూ పగలబడి నవ్వుతున్నడు. (మరింత…)

మంచి రాజకీయాలు- స్క్రిప్ట్ లేని డైలాగులు ఆదివారం, ఆగ 17 2008 

ఎట్లాస్ట్ ద షో ఈజ్ ఆన్
 
స్క్రిప్ట్ లేని డైలాగులా? సో వాట్

నంబరు 8 ఎన్నోసార్లు రాదు. 8 లేదా 17 లేదా 26 మాత్రమే. మనకు 35, 44, 53 తేదీలు కాలెండరులో లేవు కదా. ఒక్కొక్కరికి ఒక్కో నంబరు అదృష్టాన్నిస్తుంది. అయితే ప్రజలకు అచ్చొచ్చే నంబరే తెలుగు వాళ్ళకు ఇంకా తెలీదు

ఈరోజు చిరంజీవికి ముప్పయి సంవత్సరాలలో లేని నటనానుభవము కలిగి ఉండాలి. ఏమైనా కాకపోయినా ఈ రోజు తన పార్టీ ముసుగులోంచి బయటపదింది. ఎట్టకేలకు బిగ్ బాస్ నేరుగా పత్రికా రంగంతో మాట్లాడి తన రాజకీయ అరంగేట్రం సంబందినంచిన సస్పెన్స్ కి తెర దించారు. తన పార్టీ ఇంకా ఊగిసలాడే అవకాశం లేదని తను నిజంగానే పార్టీ పెడ్తానని తేల్చి చెప్పినట్లయింది.

ఇంకా పేరు లేదు, దిశ లేదు! మరో మంచి ముహూర్తం ఉంది. అప్పుడే అంత తొందర ఎందుకు అన్నట్లు ఇది చిరు రాజకీయ ప్రారంబోత్సవం మాత్రమే

అందరికీ కావాలసినవన్నీ ఉన్నాయి తన జోలెలో. అంబేద్కర్, గాంధీ, మదర్ థెరెస్సా, ఫూలే చిత్రపటాలు కూడా ఉన్నయి. ఇంకేమి కావాలి. కాని సూటిగా ఒక్క మాట ఇంకా లేదు.
 

తనకు కాంగ్రేసు, తెలుగు దేశం పార్టీలు రైవల్స్ కాదని, తెలంగాణ ప్రత్యేక రాష్ట్రం విషయంలో ప్రజల అభీష్టం మేరకు తన పార్టీ కార్యక్రమం ఉంటుందని దాటవేసే కుప్పిగంతులను ప్రదర్శించారు. పరిస్థితి మరో లక్కీ నంబరుకు మారుతుందని అనుకోవాల్సిన అవసరము లేదు.
   
స్క్రిప్ట్ లేని డైలాగులు చెప్పమంటె నటులకుండె ఇబ్బంది ఏంటో పదహారణాలు కనిపించిందీ ఈరోజు పత్రికా సమావేశంలో. తన పార్టీలో సోషల్ జస్టీస్ తో పాటు పొలిటికల్ జస్టీస్ కూడా ఉంటుందని వినూత్న ప్రతిపాదన చేయడంతోపాటు నేను ‘రైటిజం’ లెఫ్టిజం కాదు నాది హ్యూమనిజం అని తన పార్టీ  రాజకీయాలను పరిచయం చేసారు. తన పార్టీకి ఎన్ని సీట్లొస్తాయనేది ఇప్పుడే ఎందుకనీ, ఎవరితో పొత్తు పెట్టుకొనేది ఇప్పుడె చెప్పలేమనీ తన పార్టీ ఇంకా అయోమయం నుంచి బయటపడలేదనీ స్పష్టం చేశారు. 

తన ఆత్మ విశ్వాసం, మహిళల అండ, యూతు అండ, అన్ని పార్టీల్లోని తన అభిమానుల అండ తనను ఉత్తేజం, తేజోవంతం చేసిందనీ సవినయంగా చెప్పారు. తన మంచితనము తన సెన్సిటీవ్నెస్ తనకు కొండంత బలానిస్తుందని విశ్వాసం ప్రకటించారు. (మరింత…)

ఆకాశానికెదిగిన అదిలాబాదు పిల్ల- గంట స్వాతి Ganta Swathi ఆదివారం, జూలై 6 2008 

Adilabad girl makes it to Aviator Flying Inc.

S. Harpal Singh

Ghanta Swathi is first girl to get pilot commercial licence

……………………………………………………………………………………………………………
Swathi is daughter of a head constable in Adilabad
She flew for 200 hours before getting her licence 
…………………………………………………………………………………………………………… 

 

  
Flying high: Ghanta Swathi is all confidence getting where she desired to be.

 

ADILABAD: If you want to know how even earthy girls can earn wings, meet Ghanta Swathi, the first person from Adilabad town to acquire a commercial pilot licence. She will be joining the Aviator Flying Inc. of the United States soon as an instructor and charter pilot.

“A different vocation is what I had always desired. I wanted to join the Air Force but circumstances led me to train as a commercial pilot,” reveals the youngster confessing to being influenced by dogfights shown in a film. “With the all important support of my family, I could give wings to my desire,” she adds somewhat philosophically.

Swathi is the eldest among the four children of head constable (traffic) Murali. She graduated from a college in Adilabad before joining the AP Aviation Academy in Hyderabad in 2006 for a brief period. “After only about 10 hours of flying, I enrolled with the Aviator and flew for 200 hours before getting my licence. I trained in Dallas in USA and Cebu in Philippines,” explains Swathi. (మరింత…)

Struggle against farmers’ deaths – Polepalli SEZ ఆదివారం, మే 25 2008 

 

Rejoice the death of Telangana farmers in Polepalli

 

Let’s hug deep the rose thorns

and play holi in courtyard of dora’s gadi

for the lips that got sealed tight over Pothireddypadu dam

 

Let’s sing till throats slit in praise of

their courage for waving rose colored flag

in honor of those who sold away Telangana lands

 

Lets lick armpits and felicitate sacrifices of those

who butchered at the village bodrai

farmer’s umbilical cord with the land 

 

Why think of whatever happens to anybody

isn’t Telangana that is all we need after all?

And……..

bury each other in our asses as there is no land left for a graveyard

Long live Telangana

 

 

Expression in words of Polepalli SEZ farmers’ anger 

 

by – Madhu Kagula

Mahbubnagar District Convenor, Telangana Aikya Karyacharana Committee

translated by – M Bharath Bhushan

PS: rose thorns, rose flag, dora gadi and bodrai refer to specific Polepalli SEZ context where TRS MLA is actively supporting the SEZ . otherwise it is like SEZ elsewhere. rose color refers to the flag of TRS party  

 

………………………………………..

మధు కాగుల

 

 

పోతిరెడ్డిపాడుపై పెదవి విప్పని
గులాబి ముళ్ళని కౌగిలించుకుని
దొరల గడిల ముంగల హోళీ ఆడుదాం

తెలంగాణ భూముల్ని తెగనమ్మినోనికి
గులాబి జెండానూపి దారిచూపినోని నమ్మకానికి
గొంతులు తెగేదాక పాటపాడుదాం
 
వూరి బొడ్రాయి దగ్గెర ఖడ్గంతో
రైతుకు భూమికి వున్న పేగుభంధాన్ని తెగనరికినోని
త్యాగానికి సన్మానం చేసి సంకనాకుదాం

ఎవడేమైతే మన్కేమి?
తెలంగాణ వస్తె చాలు
ఫిరు……….
పాతిపెట్టుకోటానికి జాగలేక
ఒకని ముడ్ల ఒకన్ని బొందపెట్టుకొందాం

జై తెలఅంగాణ

“పోలెపల్లి రైతుల ఆక్రోషానికి అక్షర రూపం”
 
మీ
మధు కాగుల
జిల్లా కన్వీనరు
తెలంగాణ ఐక్య కార్యాచరణ కమిటి
మహబూబ నగరు (మరింత…)

TRS Samburaalu- A Positive Perspective సోమవారం, జూలై 9 2007 

తెలంగాణ సంబురాలు 

కాసుల ప్రతాప రెడ్డి వ్యాసము ఆసక్తికరమయిన అంశాలను ముందుకు తెస్తుంధి. తెలంగాణ రాష్ట్ర సమితి (తెరాస) నిర్వహించిన ‘తెలంగాణ సంబురాలను’ (భువనగిరిలో, హైదరాబాద్‌లోని నిజాం కళాశాల మైదానంలో) తెలంగాణ ప్రత్యేక రాష్ట్రము కొరకు ఉద్యమిస్తున్న ప్రజల ఆత్మగౌరవ ప్రకటనగా, ఉద్యమానికి స్ఫూర్తి నిఛ్ఛే ప్రక్రియగా మాత్రమే కాక పర్యాటక రంగం దృష్టికోణంతో కూడా సంబురాలను పరిశేలించింది.

పర్యాటకులకొరకు రాసే travelogueగా చూసినప్పుడు చక్కని వ్యాసంలాగుంది. వివిద కోణాలనుంచి మరో మారు “తెలంగాణ సంబురాలు” కళ్ళకు కట్టినట్ట్లుంది. వివరణాత్మకంగానూ ఉంది. “వంటకాల ప్రదర్శన దక్కనీ సంస్కృతిని ప్రతిబింబించింది. తీరొక్క రీతుల వంటకాలు సందర్శకుల నోళ్లను ఊరించడమే కాకుండా తమ వైశిష్ట్యాన్ని ప్రకటించుకున్నాయి. వీటిలో నవాబుల వంటకాలు కూడా ఉన్న మాట వాస్తవమే” (అవి ఎందుకున్నాయో ఆ వివరణ కూడా ఉంది).

ఒక వైపు అంతర్గత వలసాధిపత్యవర్గాల దోపిడికి, మరోవైపు ఈ వర్గాల దళారీతనంతో రంగప్రవేశం చేసిన ప్రపంచీకరణ విధానాలు తెలంగాణను ఒక ‘దయ్యాల కొంప’గా మార్చేసి స్థానికులను చావులకో, వలసలకో పురికొల్పుతున్న సమయంలో ఈ దోపిడీ “ప్రక్రియను అడ్డుకోవాల్సిన పెద్ద బాధ్యత తెలంగాణ ఉద్యమంపై వుండగా, ఇన్ని సమస్యలు చుట్టు ముట్టుతుండగా తెలంగాణ సంబురాలంటూ ఊరేగడం ఏమిటనే ప్రశ్న న్యాయమైంది కూడా” అంటూ సంబురాల ఔచిత్యాన్ని నిలదీస్తున్నప్పటికి జవాబు మాత్రము వినూత్నంగా ఉంది.

ఇదే ప్రశ్న ఈ పత్రికలో శ్రీ నాగోబా లేవనెత్తడెమే కాక యుద్ధ రంగము నుంచి పారిపోయి సైనికుడు కాళ్ళకు గజ్జెకట్టడ మేమిటని (ఉద్యమ నిర్మాణం మరిచి సంబురాలను నిర్వహించడము) తీవ్ర స్తాయిలో నిరసించించినారు. నాగోబా ప్రశ్నకు కాసుల ప్రతాప రెడ్డి జవాబివ్వలేదు. సరికదా నాగోబాతో అంగీకరిస్తూ ఏవో కొన్ని సానుకూలాంశాలు కూడా ఉన్నాయని చెప్ప ప్రయత్నించినారు.

నాగోబాగారు చెప్పినవన్నీ మిక్కిలి నిజమయినప్పటికీ కొన్నయినా సానుకూలాంశాలు లేకపోలెదన్నట్లు చాలా ఆసక్తిగా వివరిస్తారు సంబురాలను సంబ్రంగా

లాభ నష్టాలను లెక్క కట్టినట్ట్లు ఒక వ్యాసం తయారయినది.
ఆ చిట్టా ప్రకారము తెలంగాణ సంబురాల వలన ఈ క్రింది లాభాలు కలవని తెలుసుకోగల్గుతాము. అవి ఏమనగా (మరింత…)